Qazaqstanda alımenttik qor qurylmaıdy - Ádilet vıtse-mınıstri
Eske salsaq, búgin Májilistiń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda talqylaǵan bolatyn.
«Bul problema barlyq múddeli memlekettik organdardy tarta otyryp zerdelendi. Ol boıynsha alımenttik qor bıýdjetten belgili bir shyǵyndardy talap etetini aıqyndaldy. Qarjy organdary tarapynan ondaı qordyń tıisti bıýdjetsiz talapqa saı qyzmet etý múmkindigine ıe emes ekendigi aıtylǵan bolatyn. Sondyqtan da alıment tóleýden jaltaratyndarǵa qylmystyq jáne ákimshilik jaýapkershilik kúsheıedi», - dedi vıtse-mınıstr depýtattardyń saýalyna jaýap bere kele.
Onyń aıtýynsha, budan bólek alıment tóleýden jaltaratyndar úshin memleket kórsetetin qyzmetter shektelýi de múmkin. «Árıne, ondaı shekteýler olardyń quqy men bostandyǵyna qatysty emes», - dedi D. Qusdáýletov.
