Qazaqstanda alıment tóleý qoryna 38 mln teńge jınalǵan – mınıstr
«Qazirgi tańda Alıment qoryna jınalǵan jalpy soma – 38 mıllıon teńge. Alaıda bul somanyń qalaı jumsalatynyn bilmeımin. Sebebi Ádilet mınıstrligi osy protseske qatyspaıdy. Bul bıýdjettiń qarajaty emes, sot oryndaýshylardyń qory. Jınalǵan qarajat qalaı jumsalatynyn solardan suraý kerek», - dedi Marat Beketaev OKQ-da ótken baspasóz máslıhatynda.
Mınıstrdiń aıtýynsha alıment tóleýden bas tartqan adamdarǵa qosymsha yqpal etý talaptary qarastyrylyp jatqan joq. Buǵan deıin mınıstrlik alıment tólemegen azamattarmen jumys júrgizý úshin quqyq qorǵaý organdarymen jáne barlyq ákimdikpen memorandýmǵa qol qoıǵan. Sonyń arqasynda alıment tóleýden jaltarǵan 2,5 myń adam jumysqa ornalastyrylǵan.
Eske sala ketsek Marat Beketaev alıment tóleýshilerge arnalǵan kómek qoryn qurý máselesin byltyr kótergen bolatyn.
