Qazaqstanda áli kúnge deıin aktıvterdi tıimdi basqarý túsinigin kóre almaı otyrmyz - "Eýrazııa"SK" AQ-nyń Aktıvterdi basqarý departamentiniń dırektory
ALMATY. 18 qarasha. QazAqparat /Erlik Erjanuly/ - Biz áli kúnge deıin Qazaqstanda aktıvterdi tıimdi basqarý men saýatty menedjmentti kóre almaı otyrmyz.
Bul jaıly búgin "Eýrazııa" saqtandyrý kompanııasy" AQ-nyń Almatydaǵy alǵashqy qazaqstandyq press-týrynda aıtyldy.
"Biz kompanııalardyń óz kirisin ulǵaıtý úshin jantalasyp, táýekeldi eskerýsiz qaldyrǵan tarıhı kezeńinen óttik. Bul álemdik qarjylyq-ekonomıkalyq daǵdarys kezinde aıqyn ańǵaryldy. Biz sońǵy kezde prıntsıpti túrde reıtıngtik kórsetkishsiz eshqandaı baǵaly qaǵazdardy satyp almaımyz. Qazir kompanııa aktsııalarynyń 50 paıyzdan astamyn reıtıngi asa joǵary baǵaly qaǵazdar quraıdy", deıdi "Eýrazııa saqtandyrý kompanııasy" AQ-nyń Aktıvterdi basqarý departamentiniń dırektory Dıas Sársenov. Onyń aıtýynsha, bul qajet kezinde ony kez kelgen ýaqytta qolaıly baǵaǵa satýǵa múmkindik beredi. Olar máselen, álemdik naryqtarda 5 mınýttyń ishinde óz aktıvterin jyldam satyp 250 mıllıard teńgege deıingi saqtandyrý tólemin bir táýliktiń ishinde jasaýǵa múmkindigi bar.
D. Sársenovtiń sózine qaraǵanda, kóptegen áriptesteriniń erteńgi kúnge degen senimderi álsiz. Olar naqty strategııalyq josparǵa nemquraıly qaraıdy. Sondyqtan da saýatty menedjmenttiń joqtyǵynan tabystary boljaldy shyǵyndarynyń ornyn toltyra almaıtyn jaǵdaılarǵa jol berýde. Al Eýrazııa saqtandyrý kompanııasy 2018 jylǵa deıin ózderiniń damýy turaqty bolatynyn boljap otyr.
