Qazaqstanda Alǵys aıtý kúnine arnalǵan 500-den asa is-shara ótedi
ASTANA. KAZINFORM - 1 naýryz – Alǵys aıtý kúnine oraı mádenı mekemeler jalpy 514 is-shara uıymdastyrady. Qazaqstandyqtar bul kúni qaıyrymdylyq kontsertteri men teatrlandyrylǵan qoıylymdar jáne kórmeler tamashalap, túrli aktsııalarǵa qatysady.
QR Mádenıet jáne aqparat mınıstrligi baspasóz qyzmetiniń habarlaýynsha, búgin elordada Qazaqstandaǵy alǵashqy kópultty «BIRLIK» án-bı ansambliniń tusaýkeseri ótedi. Roza Baǵlanova atyndaǵy «Qazaqkontsert» janynan qurylǵan shyǵarmashylyq ujym jandy aspaptyq súıemeldeý arqyly kásibı deńgeıde álem halyqtarynyń bılerin oryndaıdy. Onyń maqsaty óskeleń urpaqty túrli ulttyń óneri men mádenıetin tanystyrýǵa, ulttyq mádenı kodty jáne Qazaqstannyń kópulttylyǵy men birligin nyǵaıtýǵa baǵyttalǵan.
Almatyda Memlekettik akademııalyq bı teatry, Qudys Qojamııarov atyndaǵy respýblıkalyq memlekettik akademııalyq uıǵyr mýzykalyq komedııa teatry, «Saltanat» memlekettik bı ansambli jáne «Qazaqstan kameraty» klassıkalyq mýzyka ansambli qaıyrymdylyq kontsertterin ótkizedi.
Shymkentte «Alǵys kerýeni», «Alǵys keshi» is-sharalary uıymdastyrylady. Sondaı-aq qala kitaphanalarynda taqyryptyq kórmeler men oqý saǵattary josparlanǵan.
Jetisý oblysynda «Alǵysym sheksiz» aktsııasyn iske qosty. Іs-shara aıasynda barsha turǵyndar men qonaqtarǵa merekeniń sımvoly sanalatyn qurt taratylady.
Jambyl oblysynda «Jambyl – meniń jáı atym, Halyq – meniń shyn atym» respýblıkalyq aqyndar aıtysy, Shyǵys Qazaqstan oblysynda «Aq bosaǵa» jáne «Altaı» bı jáne folklorlyq-etnografııalyq ansamblderiniń qatysýymen «Bárińe alǵys – blagodarnost vsem» merekelik kontserti ótedi.
Abaı oblysynda da qaıyrymdylyq aktsııalary, taqyryptyq kórmeler, kezdesýler men merekelik kontsertter ótedi.
Mańǵystaý oblysyndaǵy «Beıneý» aýdandyq mádenıet úıiniń qyzmetkerleri Alǵys aıtý kúnine oraı «Tegin taksı» qyzmeti usynylady.
