Qazaqstanda alǵashqy tehnologııalyq ádebıetter baspasy ashyldy

Atalmysh baspa elimizge keńinen tanymal «Arys» baspasymen birigip jasalǵan joba bolyp tabylady. Bul jaıynda «Táýelsiz basylym redaktorlarynyń qaýymdastyǵy» QB-niń prezıdenti, «Jan» baspasynyń dırektory Jangeldi Esenbaev málim etti, dep habarlaıdy QazAqparat.

J.Esenbaev sońǵy derekter boıynsha elimizde 800-den asa baspa uıymy men 700-ge jýyq polıgrafııalyq mekeme jumys isteıtindigin aıtady. «Olardyń 80 paıyzy kórkem ádebıet shyǵarsa, qalǵandary túrli sala boıynsha kitap óndirýde. Degenmen bizdiń kitap naryǵymyzdy reseılik basylymdardyń ónimderi jaýlap alǵany aıdan anyq», deıdi qaýymdastyq prezıdenti.

Sondaı-aq ol qazaq basylymdarynyń baǵyty men júıesi joqtyǵyn aıtady. «Bizdiń baspanyń basty baǵyty - adam janynyń qupııasyn zertteý, qazaqı aýdıtorııany okkýltty ǵylymen keńirek tanystyrý jáne shyǵys ǵalymdarynyń eńbekteri men qazaqy nanymdardy dáripteý», deıdi J.Esenbaev.

Qazirgi ýaqytta baspa «Tylsym dúnıe» atty serııalyq kitapty daıyndaý ústinde. Sonymen qatar keleshekte «Qazaqtyń yrymdary» serııalyq kitabyn shyǵarýdy josparlaýda.