Qazaqstanda alǵashqy onlaın úılený toıy ótedi

NUR-SULTAN. QazAqparat – Qazaqstannyń «Sparta» KTK komandasynyń kapıtany Danııar Jumadilov «Jasa» aktsııasyna qosylyp, tyń bastama kóterdi, dep habarlaıdy QazAqparat tilshisi.

«Men de tys qalmaı, «Jaqsylyq jasa» aktsııasyna qatysaıyn dep sheshtim. Jas jubaılar mahabbatynyń úzdik oqıǵasyna arnalǵan baıqaý jarııalaımyn. Júlde – Instagram-nyń tikeleı efırinde onlaın úılený toıyn ótkizý. Onda betashar, shoý-baǵdarlama, shoý-balet, shaqyrylǵan juldyzdar - bári bolady», - dep jazdy Danııar Jumadilov Instagram paraqshasynda.

Onyń aıtýynsha, Qazaqstandaǵy birinshi Instagram-úılený toıynyń basty keıipkeri bolý úshin otbasyn qurýǵa nıetti juptar vaın, qaljyń, lırıka túrinde ózderiniń mahabbat tarıhyna qatysty qysqa vıdeo túsirip jiberýi tıis.

«Tikeleı efır barysynda barlyq juptyń ishinen jeńimpazdy ulym Álı tosyn túrde tańdap alady. Al biz keremet onlaın-úılený toıyn ótkizip beremiz. Óz atymnan da syılyq jasaımyn. Vıdeoǵa #instasvadba #jasa #deıstvýı heshtegin qoıyńyzdar. 10 kúnnen keıin tikeleı efırde qorytyndysyn shyǵaramyn. Barlyqtaryńyzǵa sáttilik, tabys tileımin. Jaqsylyq jasańyzdar!», - dedi ol.