Qazaqstanda alǵashqy munaı murajaıy ashyldy

dep habarlaıdy QazAqparat.

"Qazaqstannyń munaıgaz salasyn nasıhattaýdyń ǵylymı, bilim men mádenı ortalyǵy bolýǵa tıisti bul murajaıdyń jádigerlerin qazir ony qurýshylar óz kúshimen jınaýda. Oǵan "QazMunaıGaz" Ulttyq kompanııasy men "Munaıshy" qory úlken kómek kórsetti. Qazirgi tańda qolda bar barlyq jádigerler "Munaıgaz salasynyń tarıhy", "Munaıgaz isiniń geologııalyq- geofızıkalyq negizi", "Munaı kásibiniń qural-jabdyqtary" degen 3 sektsııaǵa toptastyrylyp otyr. Bolashaqta olardyń qataryn "Munaıgaz bilimi", "Munaıgaz kompanııalary", "QBTÝ tarıhy" degen jańa sektsııalar tolyqtyrmaq", deıdi QBTÝ-niń Munaı, munaıgaz ınjenerııasy kafedrasynyń meńgerýshisi Ismaıl Abdýlahad. Onyń aıtýynsha, Qazaqstanda balamasy joq mundaı murajaı qazirgi tańda Ýfa Munaı ýnıversıtetinde (Bashqurtstan), Qytaı Munaı ýnıversıtetinde, Seýl ýnıversıtetinde (Ońtústik Koreıa) jáne AQSh, Norvegııa, Ulybrıtanııa sııaqty birqatar elderde bar. Qazaqstandaǵy tuńǵysh munaı murajaıy QBTÝ-degi jyl saıyn ótetin "Munaıgaz ındýstrııasyn damytýdyń ınnovatsııalyq problemalary" dep atalatyn ǵylymı-tájirıbelik konferentsııanyń aıasynda ashylyp otyr.