Qazaqstanda alǵashqy qalalyq saga-fentezı prokatqa shyǵady
ASTANA. QazAqparat - «A"Star Film» jáne «Bayterek production» kompanııalary túsirgen «Shatyrdaǵy bult» (Oblako na kryshe) kórkem fılmi 26 sáýirden bastap jalpyulttyq prokatqa shyǵady, dep habarlaıdy QazAqparat «Qazaqfılm» kınostýdııasyna silshteme jasap.
Fılm avtorlarynyń aıtýy boıynsha bul kartına Qazaqstandaǵy alǵashqy qalalyq saga-fentezı. Týyndy máńgilikke jaýlasyp kele jatqan Jaqsylyq pen Jamandyqtyń kúresin qalalyq jastardyń túngi ómiri men kúndelikti tirshiligi arqyly baıandaıdy.
Fılmniń stsenarıı avtory ári qoıýshy-rejısseri - akter, rejısser, kompozıtor Álisher Súleımenov.
«Fılm kóptiń biri bop júrgen jigittiń ómirin óz oıyndarynyń oıynshyǵy etken Perishte pen Ázázil týraly. Ekeýi kelisimge kelip, syrtynan baqylaý jasap, Tımýr esimdi jigittiń ómirine aralasady. Biz shynaıy ómirde qanshalyqty erteginiń oryn alatynyn jáne ertegide shynaıy ómirdiń baryn kórsetkimiz keldi. Jalpy aıtqanda, fılm úlkenderge arnalǵan ertegi», - skazal Álisher Súleımenov.
Atalmysh fılmge Sh.Aımanov atyndaǵy «Qazaqfılm» kınostýdııasy tehnıkalyq qoldaý kórsetti.
Barlyq túsirilimder Almaty qalasynda ótken. Túsirilim lokatsııalary retinde qalanyń túngi klýby men bıik ǵımarattyń shatyry alynǵan. Keıinnen sahnalar arnaıy effektiler men kompıýterlik grafıka arqyly qajetti qalypqa keltirilgen.
Fılmdegi basty ról jas akter, rejısser jáne stsenarıshi Dıas Ázimjanǵa buıyrǵan. Ol Nıý-Iork kınoakademııasyn bitirip, «Kıno jáne tv rejıssýrasy» atty mamandyǵy boıynsha magıstr atanǵan. Aıta ketelik, bul onyń tolyqmetrli kınodaǵy alǵashqy róli.
Dıas Ázimjan rejısser retinde úsh qysqamterajdy fılm túsirip, Direct Monthly Film Festival, I-respýblıkalyq «Baıqońyr» kınofestıvali, «Los Angeles CineFest», «Barcelona Planet film festival», «Indie Wise virtual film festival» atty baıqaýlardyń laýreaty atanǵan.
Fılmge Vahıd Izımov, Kámılla Nuǵmanova, Qazyna Abdirahman, Mádına jáne Medına Tálipbek, Úsenjan jáne Asanjan Sultanovtar jáne basqalar túsken.
