Qazaqstanda alǵashqy halyqaralyq koýchıng aptalyǵy ótip jatyr
ALMATY. 6 aqpan. QazAqparat /Erlik Erjanuly/ - Búgin Almatyda jańadan qurylǵan Halyqaralyq koýchıng federatsııasy (ICF) Qazaqstan men Reseıdegi bólimshesiniń uıymdastyrýymen Qazaqstandaǵy alǵashqy halyqaralyq koýchıng aptalyǵy bastaldy.
«Step&Grow» koýchıng akademııasynyń Bas dırektory, sertıfıkattalǵan koých jáne ІSF múshesi Ǵalııa Hamıtovanyń aıtýynsha, bul ǵalamdyq sharaǵa bir ýaqytta álemniń 100-den astam elinen 17 myń ІSF músheleri qatysýda. Olar onda Halyqaralyq koýchıng federatsııasynyń standartyndaǵy koýchıng degen ne, ol nesimen paıdaly jáne tıimdi bolýy múmkin degen saýaldarǵa jaýap berýde.
«Álemniń ózge elderinde 1999 jyldan beri ótip kele jatqan halyqaralyq koýchıng aptalyǵy Qazaqstanda tuńǵysh ret uıymdastyrylyp otyr. Onda barlyq sharalar, sheberlik-synyptary, men sheberlik dáristeri aqysyz ótedi», - deıdi Ǵ. Hamıtova.
