Qazaqstanda alǵashqy «elektrondy aýktsıon» ótti
Bul týraly búgin Astanada ótken baspasóz máslıhatynda «Elektrondyq kommertsııalar ortalyǵy» JShS basqarma tóraǵasy Sultanjan Ahmetov málim etti.
Onyń habarlaýynsha, shilde aıynda ótken on-laın aýktsıonda skaner qurylǵysy satyp alyndy. «Elektrondy bássaýda» barysynda atalǵan apparattyń baǵasy 13 mln. teńge kóleminde belgilendi. Aýktsıonnyń nátıjesinde ol 12 mln. 467 myń teńgege satyldy. «Osylaısha alǵashqy elektrondy aýktsıonda satylǵan taýardan aqshanyń 4,1 paıyzy únemdeldi. Árıne, ol kóp emes. Aldaǵy ýaqytta on-laın aýktsıonnyń arqasynda únemdeletin qarjynyń ortasha kólemi 15 paıyz bolady degen jospar bar», - deıdi S.Ahmetov.
Jalpy, bıyl memlekettik satyp alýlardyń elektrondy júıesi 14,3 mlrd. teńgeniń bıýdjet qarjysyn únemdeýge múmkindik berdi. Al sońǵy tórt jyldyń ishinde únemdelgen qarajattyń kólemi 90,5 mlrd. teńgeni qurady. Endi, bul júıege «elektrondy bássaýda» da qosyldy.
Aıta keteıik, «elektrondy aýktsıon»www.goszakup.gov.kz veb-portalynda júrgiziledi.
