Qazaqstanda alǵashqy áskerı sherýdiń ótkenine 21 jyl toldy
ALMATY-OTAR. 7 mamyr. QazAqparat - Qazaqstan Respýblıkasy Qarýly Kúshteriniń qurylý qurmetine oraı 1992 jyly 7 mamyrda Almatydaǵy Respýblıka alańynda bolǵan alǵashqy áskerı sherýdiń ótkenine bıyl 21 jyl toldy.
Bul joly ol Jaýyngerlik parad túrinde Jambyl oblysyndaǵy "Otar" 40-shy áskerı bazasynda uıymdastyrylyp otyr. Qarýly Kúshterdiń barlyq áskerı tehnıkalarynyń múmkindigi urys jaǵdaıynda synalatyn mundaı shara Qazaqstan ǵana emes, TMD aýmaǵynda tuńǵysh ret ótkeli otyr. Saltanatty áskerı sherýmen bastalatyn bul paradty QR Prezıdenti- QR Qarýly Kúshteriniń Joǵarǵy Bas Qolbasshysy Nursultan Nazarbaev tamashalaıtyn bolady. Jaýyngerlik parad telearnalardan tikeleı efırde kórsetiledi.
21 jyl buryn alǵashqy áskerı sherýdi Qazaqstannyń tuńǵysh Qorǵanys mınıstri, Halyq Qaharmany, Keńes Odaǵynyń batyry, armııa generaly Saǵadat Nurmaǵambetov qabyldaǵan edi. Odan keıin bul shara 2005 jyly Uly Jeńistiń 60 jyldyǵyna oraı 7 mamyrda jáne 2011 jyly Táýelsizdiktiń 20 jyldyǵy men Konstıtýtsııanyń 16 jyldyǵyna baılanysty 30 tamyzda Astanada óz jalǵasyn tapty.
