Qazaqstanda alǵashqy áskerı-patrıottyq «Jas Ulan» serıalynyń túsirilimi aıaqtalyp keledi
ASTANA. Sáýirdiń 5-i. QazAqparat /Gúlnár Jandaǵulova/ - Qazaqstanda alǵashqy áskerı-patrıottyq «Jas Ulan» serıalynyń túsirilimi aıaqtalýda,
dep habarlady Sh.Aımanov atyndaǵy «Qazaqfılm» aktsıonerlik qoǵamynyń baspasóz qyzmetinen.
8 serııalyq kórkem serıaldyń qorytyndy túsirilimi seısenbi, sáýirdiń 6-sy kúni Astanadaǵy S.Nurmaǵambetov atyndaǵy «Jas Ulan» respýblıkalyq áskerı mektebinde ótedi.
Kórkem fılm jasulandyq úsh dos týraly baıandaıdy. «Balalar dańq pen abyroıdyń, erlik pen qaırattylyqtyń, qurmettiń ne ekenin biletin bolady. Ulandyqtardyń armany men maqsaty - Otan qorǵaýshy ataný», delingen «Qazaqfılmniń» habarlamasynda.
Fılmniń túsirilimi 2010 jyly aqpan aıynyń orta sheninde bastalǵan. Basty rolderdi «Jas Ulan» mektebiniń oqýshylary oryndaıdy. Sondaı-aq fılm jumysyna Prezıdenttiń jeke gvardııasynyń qyzmetkerleri de tartylǵan.
Kartına prodıýseri - Álııa Ýáljanova, qoıýshy-rejıser - Serikbol Ótepbergenov, stsenarıı avtory - Bekbolat Shekerov, Ǵazız Nasyrov, skrıpt-doktor - Ermek Tursynov.
Fılmdi «Aldongar Productions/Kazakhstan» kınokompanııasy túsirýde.
