Qazaqstanda alǵashqy kómir hımııasy kesheni qurylady
ASTANA. KAZINFORM — Memleket basshysyna №8 jáne №9 jańa koks batereıalarynyń qurylysy jóninde baıandaldy. Bul týraly Aqordanyń baspasóz qyzmeti habarlady.
Prezıdentke atalǵan joba Qarmet kompanııasynyń iri ınvestıtsııalyq bastamalarynyń qataryna enetini aıtyldy.
Onyń aıasynda jańa koks óndirisi qýatyn júzege asyrý qarastyrylyp otyr. Mundaı aýqymdaǵy qurylys kombınatta sońǵy birneshe onjyldyqta bolmaǵan.
Bas tehnologııalyq seriktesi – ACRE Coking & Refractory Engineering Consulting Corporation kompanııasy.
Eki batereıanyń jalpy jobalyq qýaty jylyna 1,5 mıllıon tonna qurǵaq koks óndirýge jetedi. Ár batereıada kamerasynyń bıiktigi 7,6 metr bolatyn 54 koks peshi jumys isteıdi.
Jańa agregattar domna peshin osynda óndiriletin kokspen turaqty túrde qamtamasyz etýge, onyń sapasyn udaıy saqtaýǵa jáne ekologııalyq qaýipsizdiktiń anaǵurlym joǵary deńgeıde bolýyna múmkindik beredi.
1960-1970 jyldary paıdalanýǵa berilgen óndiris qýatyn almastyratyn batereıalardy kelesi jyly iske qosý josparlanyp otyr.
Osylaısha, Qazaqstanda koksteý ónimderin tereń óńdeıtin alǵashqy kómir hımııasy kesheni qurylady.
Aıta ketelik Toqaev jumys saparymen Qaraǵandy oblysyna barǵan edi. Prezıdent Temirtaýdaǵy jańartylǵan tramvaı júıesimen tanysty.
