Qazaqstanda alǵashqy AES qurylysy resmı túrde bastaldy
QONAEV. KAZINFORM — Qazaqstandaǵy alǵashqy atom elektr stantsııasynyń qurylysy resmı túrde bastaldy.
Almaty oblysyndaǵy Úlken aýylynyń mańynda Qazaqstan tarıhyndaǵy alǵashqy atom elektr stantsııasynyń qurylysyn bastaý rásimi ótti.
Saltanatty sharaǵa QR Atom energetıkasy agenttiginiń basshysy Almasadam Sátqalıev, «Rosatom» memlekettik korporatsııasynyń bas dırektory Alekseı Lıhachev jáne basqa da resmı tulǵalar qatysty.
Eske salaıyq, qurylys alańyna arnaıy tehnıka jetkizilip, sondaı-aq Novovoronej atom elektr stantsııasynyń maketi ornatylǵan. Qazaqstanda salynatyn stantsııa osy úlgige uqsas bolady. Makette kórsetilgen № 6 energoblok — álemdegi 3+ býynyna jatatyn alǵashqy energoblok.
Rásim uıymdastyrylǵan jerde topyraq synamasyn alý úshin burǵylaý jumystary da bastaldy. Alynǵan kapsýladaǵy úlgiler Reseı jaǵyna zertteý júrgizý úshin tapsyrylady.
Qazaqstandaǵy alǵashqy atom elektr stantsııasynyń qurylysyn aıaqtaý 2035–2036 jyldarǵa josparlanǵan.
Buǵan deıin «Rosatom» kompanııasy Qazaqstandaǵy alǵashqy atom elektr stantsııasyn salý jobasy boıynsha halyqaralyq konsortsıýmnyń kóshbasshysy retinde anyqtalǵanyn jazǵan edik.