Qazaqstanda alǵash Servıs jáne týrızm akademııasy ashyldy
ASTANA. QazAqparat - Kókshetaýda elimiz boıynsha alǵashqy Servıs jáne týrızm akademııasy ashyldy. Bul týraly Aqmola oblysy ákiminiń týrızm, ındýstrııalandyrý, kásipkerlik jáne ınvestıtsııalar máseleleri boıynsha orynbasary Marat Iǵalı Feısbýk paraqshasynda málim etti, dep habarlaıdy QazAqparat tilshisi.
Jańa akademııa aımaqtyq «Atameken» ulttyq kásipkerler palatasynyń bastamasymen Aqmola oblysy ákimdiginiń qoldaýymen ashyldy.
«Atameken» UKP, Aqmola oblystyq ákimdigi men «Servıs jáne týrızm akademııasy» JShS aralarynda galstýksyz, beıresmı kezdesý barysynda memorandýmǵa qol qoıyldy», - dep jazdy Marat Iǵalı.
Jańa joba aıasynda týrızm boıynsha qyzmetkerlerdi keshendi túrde daıyndaý, olardy klıenttik servıs pen qyzmet kórsetý mádenıetine oqytý qarastyrylǵan. Sonymen qatar, baǵdarlama meıramhana bıznesiniń ókilderine óz bıznesin júrgizýge kómek kórsetý, ony avtomattandyrý jáne taǵy basqa oqytý túrlerin qamtıdy. Oqytý qarajatynyń 50% Eýrazııalyq qaıta qurý jáne damý banki jabady.
«Sol sııaqty túriktiń iri «Antalııa konsaltıng» rekrýtıng kompanııasynyń basshylyǵymen 2019 jyly aqmolalyq stýdentterdiń týrızm salasy boıynsha Túrkııanyń besjuldyzdy qonaq úılerinde taǵylymdamadan ótýi týraly kelistik», - dedi ol.
Sóz sońynda oblys ákiminiń orynbasary aımaqtyq «Atameken» ulttyq kásipkerler palatasynyń basshysy men atalǵan Akademııanyń dırektoryna birlesken jobany júzege asyrýda alǵysyn bildirdi.
