Qazaqstanda alǵash ret júrek pen baýyrdy aýystyrý operatsııalary júrgiziledi
ALMATY. 5 qarasha. QazAqparat /Názıra Eleýhan/ - Júrek aýystyrý jónindegi birinshi operatsııa 2011 jyly qarasha aıynyń ortasynda ótkizilmek.
Ony shetelde oqyp kelgen biliktiligi joǵary mamandar jasaıdy. Al, baýyrdy aýystyrý jónindegi operatsııany jeltoqsanda jasaý kózdelgen.
«Qazirgi ýaqytta Qazaqstan Respýblıkasynda shamamen 1200 patsıenttiń júregin aýystyrý kerek, sonsha adamnyń baýyryn da aýystyrý kerek bolyp otyr»,-deıdi mamandar.
8 qarasha kúni Almaty qalasyndaǵy "Interfaks-Qazaqstan" agenttiginde osy transplantologııa máselelerine arnalǵan baspasóz máslıhaty ótedi.
Baspasóz máslıhatyna Syzǵanov atyndaǵy UHO bas dırektory, professor, RMǴA akademıgi Jetkergen Arzyqulov, Syzǵanov atyndaǵy UHO kardıologııa bóliminiń meńgerýshisi professor Arystan Seıdalın, Yumgiskor Holding kompanııasynyń medıtsına departamentiniń dırektory Qorlyǵaıyn Seksembaeva qatysady
