Atyraýda bes aıda 175,6 mlrd teńge qarjylyq buzýshylyq anyqtaldy
ATYRAÝ. KAZINFORM — Atyraý oblysynda bes aı ishinde júrgizilgen aýdıt qorytyndysy bıýdjet qarajatyn paıdalaný men memlekettik satyp alý salasynda 175,6 mlrd teńgeden astam buzýshylyqtyń baryn kórsetti.
Atyraý oblysy boıynsha Іshki memlekettik aýdıt departamentiniń málimetinshe, qarjylyq buzýshylyqtardyń kólemi 82 mlrd teńgeden asty. Al rásimdik sıpattaǵy buzýshylyqtar somasy 93 mlrd 574 mln teńgege jetken.
Sonymen qatar memlekettik satyp alý salasynda kameraldyq baqylaý júrgizilip, 9316 rásim qamtylǵan. Nátıjesinde 1092 memlekettik satyp alý boıynsha jalpy somasy 22 mlrd 571 mln teńgeniń buzýshylyǵy anyqtaldy. Atalǵan faktiler boıynsha jaýapty taraptarǵa 1092 habarlama joldanyp, olardyń barlyǵy tolyq kólemde oryndalǵan.
Esepti kezeńde departament tarapynan 327 laýazymdy jáne zańdy tulǵaǵa qatysty ákimshilik sharalar qoldanyldy. Jalpy somasy 25,8 mln teńge aıyppul salynyp, onyń 23,8 mln teńgesi memleket bıýdjetine óndirilgen.
Buǵan deıin Almaty oblysynyń aýdanynda 1,5 mlrd bıýdjet qarajaty tıimsiz josparlanǵanyn jazǵan edik.
