Qazaqstanda alǵash ret týrızm salasy boıynsha óńirlik bilim berý-óndiristik klasteri iske qosyldy
ASTANA. KAZINFORM - Astanada Servıs jáne týrızm kolledji bazasynda «Qonaqjaılylyq jáne týrızm» boıynsha óńirlik bilim berý-óndiristik klasteri ashyldy, dep habarlaıdy QR Oqý-aǵartý mınıstrliginiń baspasóz qyzmeti.
Klaster qurylymdaýdaǵy maqsat - erte kásiptik baǵdar berýden bastap maqsatty jumysqa ornalastyrýǵa deıingi úzdiksiz kadr daıarlaý júıesin qalyptastyrý jáne bilim berý uıymdary men jumys berýshiler arasyndaǵy seriktestikti nyǵaıtý.
Joba aıasynda mektepke deıingi uıymnan bastap mektep, kolledj, joǵary oqý orny jáne óndiris arasyndaǵy sabaqtastyqqa negizdelgen keshendi model usynylady. Bul tásil eńbek naryǵynyń talaptaryna saı, básekege qabiletti mamandar daıarlaýǵa baǵyttalǵan.
Óńirlik klasterdiń iske qosylýy -dýaldy oqytýdy damytýǵa, bilim men óndiris ıntegratsııasyn kúsheıtýge jáne salanyń kadrlyq áleýetin nyǵaıtýǵa baǵyttalǵan mańyzdy qadam.
Osyǵan deıin týrızm salasyna salynǵan ınvestıtsııa kólemi 33% artqany týraly jazdyq.
