Qazaqstanda alǵash ret tiri donordan baýyrdy transplantatsııalaý operatsııasy jasaldy
ASTANA. 13 jeltoqsan. QazAqparat. Qazaqstan Respýblıkasy Densaýlyq saqtaý mınıstrliginde Densaýlyq saqtaý mınıstri S.Z.Qaıyrbekovanyń tóraǵalyǵymen densaýlyq saqtaý salasyndaǵy ınnovatsııalyq tehnologııalar boıynsha selektorlyq jıyn ótkizildi, dep habarlaıdy mınıstrliktiń baspasóz qyzmeti.
Mınıstr quttyqtaý sózinde elimizde alǵash ret baýyrdy transplantatsııalaý jáne qosymsha qan aınalymynyń shaǵyn qondyrǵysyn ımplantatsııalaý boıysha operatsııa jasalǵanyn erekshe qýanysh jáne maqtanysh sezimmen habarlady. Ol mundaı ınnovatsııalyq serpin respýblıka Táýelsizdiginiń 20 jyldyǵyna jaqsy syılyq bolǵanyn atap ótti.
Operatsııa A.N. Syzǵanov atyndaǵy Ulttyq hırýrgııa ǵylymı ortalyǵynyń bazasynda Belarýs mamandarynyń qatysýymen 2011 jylǵy 9 jeltoqsanda jasalǵan.
38 jastaǵy ákpesiniń (donor) baýyrynyń oń bóligi sińlisiniń (retsıpıent) patologııalyq turǵydan tolyǵymen ózgergen baýyrynyń ornyna almastyryldy. Operatsııa 12 saǵatqa sozyldy.
Búgingi kúni eki patsıenttiń de jaǵdaıy turaqty jáne ótkizilgen operatsııanyń aýyrlyǵyna sáıkes.
Bir aı buryn Qazaqstanda alǵash ret bıyl ashylǵan Ulttyq kardıohırýrgııa ǵylymı ortalyǵynda qosymsha qan aınalymynyń shaǵyn qondyrǵysyn ımplantatsııalaý boıynsha biregeı operatsııasy jasaldy. Ony «jasandy júrek» dep te ataıdy (donordan júrek almastyrýdyń balamasy).
Bul qondyrǵy patsıentke qalypty ómir súrýge jáne eńbekke jaramdylyǵyn saqtaýǵa múmkindik beredi. Buǵan deıin mundaı tehnologııa Reseıde de, Ortalyq Azııada da bolmaǵanyn atap ótý qajet
Ulttyq kardıohırýrgııa ǵylymı ortalyǵynda birinshi jasandy júrekti almastyrý sátinen bastap taǵy 4 operatsııa jasaldy jáne jyldyń aıaǵyna deıin olardyń sanyn 8-ge jetkizý josparda bar.
Qazirgi kezde respýblıkada aǵzalardy almastyrý máselerin sheshý kóbinese naýqastardy sheteldik klınıkalarǵa jiberý arqyly júzege asyrylady. Bir patsıenttiń emdelýine memlekettik bıýdjetten 200 000-nan 300 000 eýroǵa deıin shyǵyn shyǵady.
Keıingi kezde respýblıkada jyldan jylǵa aǵza men tinderdi jasalynyp jatqan tranplantatsııalaýdyń sanyn kóbeıtýge múmkindik beretin otandyq transplantologııany damytýda sharalar qoldanýda.
Eger 2009 jyly tiri týysqan donorlardan tek 4 búırek almastyrylsa, 2010 jyly - 9. Alǵash ret aýtologııalyq (óziniń súıek kemiginen nemese perıferııalyq qannan turatyn stvoldyq kletkalary) súıek kemigi transplatatsııalandy. 2011 jyldyń 11 aıynda 5 aýtologııalyq jáne 1 allogendyq (basqa adamnyń stvoldyq kletkalary) súıek kemigi, 11 búırek transplatatsııalandy,
Elbasynyń tapsyrmasyna sáıkes, Qazaqstan Respýblıkasy Densaýlyq saqtaý mınıstrliginde qazirgi zamanǵa saı medıtsınalyq quralmen jabdyqtalǵan halyqaralyq standarttarǵa saı aǵza men tinderdi tranplantatsııalaýǵa qajet Respýblıkalyq aǵza men tinderdi tranplantatsııalaý ortalyǵyn qurý jóninde jumys júrgizilýde.
Bul jobanyń júzege asyrylýy tranplantatsııalaýǵa shetelge baratyndardyń sanyn azaıtý arqyly jyl saıyn birshama qarajatty únemdeýge múmkindik beredi.
Mundaı ınnovatsııalar qazaqstandyq ımplantologııanyń damýyna jańa serpin bermek.
