Qazaqstanda alǵash ret regbıden Azııa chempıonaty ótedi
ASTANA. QazAqparat - Búgin Almatyda Qazaqstan Respýblıkasynyń birinshi Prezıdenti sporttyq kesheninde, táýelsiz elimizdiń tarıhynda alǵash ret regbı-15-ten erler komandalary arasynda Azııa chempıonaty bastalady, dep habarlaıdy QazAqparat aqparattyq jáne sporttyq HAB-ke silteme jasap.
Sport básekesi mamyrdyń 16-y men 19-y aralyǵynda Almatyda ótedi jáne onda sary qurlyqtyń eń úzdik komandalar ózara myqtyny anyqtaıdy.
Sharanyń ashylý saltanaty mamyrdyń 16-y saǵat14-30-ǵa josparlanǵan. Baıraqty básekege Qazaqstan, Mońǵolııa, Pákistan, Qyrǵyzstan elderi qatysady.
Aıta keteıik, 2016 jyly regbı Olımpıadalyq sport túrleriniń tizimine endi. Qazaqstan ulttyq quramasy Azııa elderiniń arasynda turaqty jeńimpaz, al álem boıynsha úzdik 30 elder qataryna kiredi. Azııa chempıonaty regbıdiń elimizde buqaralyq sport túri retinde damyp, bul tartysty oıyn jastar arasynda keńinen tanylýyna yqpal etpek.
