Qazaqstanda alǵash ret «Potter poıyzy» iske qosyldy
ASTANA. KAZINFORM – «Jolaýshylar tasymaly» AQ elektropoıyz jolaýshylaryna arnalǵan jańa mádenı-oıyn-saýyqtyq joba – «Potter poıyzyn» iske qosty.
Bul – Qazaqstanda alǵash ret elektropoıyz ishinde uıymdastyrylyp otyrǵan teatrlandyrylǵan baǵdarlama. Balalar men ata-analar súıikti keıipkerlerimen birge sıqyrǵa toly saıahatqa attanyp, ınteraktıvti oıyndarǵa qatysa alady.
- Sapar barysynda jolaýshylardy Garrı Potter álemindegi keıipkerlerdiń beınesindegi ártisterdiń qoıylymy kútedi. Baǵdarlama ınteraktıvti elementterge toly bolyp, balalar men eresekterdi ertegideı atmosferaǵa jeteleıdi. Árbir jas jolaýshyǵa estelik retinde arnaıy syılyq – sıqyrly taıaqsha tabystalady, - delingen aqparatta.
Shoý jańa 4 vagonnan turatyn elektropoıyzda ótedi.
Poıyz «Astana-1 – Tastaq – Astana-1» baǵyty boıynsha (Astanadan 60 km) qatynaıdy. Baǵdarlamanyń uzaqtyǵy – 2 saǵat.
Aıta keteıik, 100-den astam qazaqstandyq «Jibek Joly» týrıstik poıyzymen jolǵa shyqty.