Qazaqstanda alǵash ret padelden halyqaralyq FIP Promises týrnıri ótedi
ASTANA. KAZINFORM — 16-18 qazan aralyǵynda Almaty álemdik jasóspirimder padeliniń ortalyǵyna aınalady: Qazaqstanda tuńǵysh ret Halyqaralyq padel federatsııasy (FIP) aıasynda halyqaralyq FIP Promises týrnıri ótedi.
Qazaqstan padel federatsııasynan málim etkenindeı, bul jas qazaqstandyq sportshylar kezekti jarys qana emes. Jastar alǵash ret óz korttarynda tıtýl úshin talasýǵa, alys jáne jaqyn shetelderden kelgen myqty sportshylarmen taıtalasta óz kúshterin synap kórýge múmkindik alady.
FIP Promises — jastar padelin damytýǵa baǵyttalǵan halyqaralyq týrnırler serııasy. Mundaı jarystar jas oıynshylarǵa tájirıbe jınaqtap, halyqaralyq básekelestik deńgeıine beıimdelýge, elden tysqary jerlerde ózderin tanytýǵa septesedi.
Qazaqstanda osyndaı deńgeıdegi birinshi týrnırdiń ótkizilýi qazaqstandyq padel úshin mańyzdy oqıǵa bolyp otyr.
Týrnır Almatydaǵy ADD Padel & Table Tennis Center ortalyǵynda ótedi.
Eske sala keteıik, budan buryn qazaqstandyq jas padelshilerdiń Azııa reıtıngisinde TOP-6-ǵa kirgenin jazǵan edik.
