Qazaqstanda alǵash ret óte sırek kezdesetin tıyn tabyldy
ASTANA. KAZINFORM – «Tańbaly» qoryq-mýzeıinde sırek kezdesetin tıyn tabyldy. Bul týraly Mádenıet jáne aqparat mınıstrligi málimdedi.
«Tańbaly» ǵylymı qyzmetkerleri halyqaralyq tarıhı-arheologııalyq ekspedıtsııa ótken Qoǵaly alqabynda qazba jumystary kezinde sensatsııalyq jańalyq ashty. Qazaqstanda alǵash ret óte sırek kezdesetin tıyn tabyldy.
Túrki-soǵdy erte ortaǵasyrlyq nýmızmatıka salasyndaǵy mamandardyń pikirinshe, bul moneta VII ǵasyrdyń ortasynan bastap qoldanylǵan. Ekspedıtsııa zertteý júrgizgen Koǵaly alqabynyń eskertkishteri VII-VIII ǵasyrlardyń alǵashqy jartysynda Jetisý jerin mekendegen batys túrikterdiń mádenıetine jatady.
Qazir «Tańbaly» ǵylymı-restavratsııalyq zerthanasynda biregeı artefaktqa qatysty alǵashqy konservatsııalyq jumystar júrgizilip jatyr.
Arheologııalyq qazba jumystary áli de jalǵasyp jatyr.
