Qazaqstanda alǵash ret neıromodýlıatsııa qoǵamynyń halyqaralyq kongresi ótedi

ASTANA. KAZINFORM – 2-4 qazanda Almatyda neıromodýlıatsııa qoǵamynyń halyqaralyq kongresi ótedi. Bul týraly Densaýlyq saqtaý mınıstrligi habarlady.

Іs-sharaǵa álemniń túkpir-túkpirinen 400-ge jýyq maman jınalady.Olardyń arasynda neıromodýlıatsııa salasyndaǵy álemniń jetekshi sarapshylary bolady: Konstantin Slavin (AQSh), Andres Lozano (Kanada), Harith Akram (Ulybrıtanııa), Shiro Horisawa (Japonııa), Robert Levy (AQSh), Atilla Yilmaz (Túrkııa), Marc Russo (Aýstralııa) jáne basqalar.

Halyqaralyq neıromodýlıatsııa qoǵamy shtab-páteri AQSh-ta ornalasqan, neırohırýrg dárigerlerdi, nevropatologtardy, álemniń túkpir-túkpirinen kelgen zertteýshilerdi biriktiretin halyqaralyq uıym bolyp sanalady. Uıym músheleriniń sany-3000-nan astam adam.

Qazaq neıromodýlıatsııa qoǵamy osy kongresti 2024 jyly ótkizýge ótinim berip, Almatyda osy is-sharany ótkizý quqyǵyn sátti jeńip aldy.

Mundaı deńgeıdegi is-shara Qazaqstanda da, burynǵy KSRO aýmaǵynda da jáne búkil Ortalyq Azııa óńirinde alǵash ret ótkizilip otyr.

Kongreste neıromodýlıatsııanyń eń ózekti tehnologııalary – neırostımýlıatorlardy ımplantattaý arqyly nevrologııalyq aýrýlardy emdeý – nerv júıesiniń ártúrli deńgeılerindegi jumysyn ózgertetin arnaıy qurylǵylar, sonyń ishinde áıgili Ilon Masktyń NeuraLink jobasy jáne uqsas Brain Computer Interface jobalary talqylanady.

Kongrestiń sheńberinde neıromodýlıatsııanyń negizgi máseleleri – julynnyń neırostımýlıatsııasy, mı stımýlıatorlaryn baǵdarlamalaý, elektrodtardy josparlaý, ıntraoperatsııalyq neıromonıtorıng boıynsha álemniń jetekshi mamandarynan master-klastar ótkiziledi.

Aıta keteıik, Qytaıda jańa býyndaǵy neırokompıýter tanystyryldy.

95 jyldyq tarıhy bar QR Prezıdenti is basqarmasy Medıtsına ortalyǵy ulttyq gospıtaliniń neırohırýrgııa bólimshesinde bilikti jastardyń qatary az emes. Solardy biri – Raýan Aıteli. Jas dáriger medıtsına qyzmetkerleri kúni qarsańynda Kazinform agenttiginiń tilshisine mamandyǵynyń ereksheligi týraly aıtyp berdi.