Qazaqstanda alǵash ret Leonardo da Vınchıdiń La Bella Principessa týyndysy kórsetiledi
ASTANA. KAZINFORM —Leonardo da Vınchıdiń eń jumbaq ári qundy jaýhar týyndylarynyń biri – La Bella Principessa Varshava kodeksiniń Sfortsııadasynan alynǵan sýret. Qylqalam sheberiniń pergamenttegi jalǵyz týyndysy Qazaqstan jurtshylyǵynyń nazaryna usynylmaq.
Bul múmkindik Astanadaǵy Italııa elshiliginiń, ForteBank, Mastercard, Scripta Maneant jáne Italııa mádenıet ınstıtýtynyń, sondaı-aq Qazaqstan Respýblıkasy Mádenıet jáne aqparat mınıstrliginiń qoldaýymen júzege asyrylady. Kórme Astanadaǵy Qazaqstan Respýblıkasynyń Ulttyq mýzeıinde 7 maýsym men 4 tamyz aralyǵynda ótedi.
La Bella Principessa — XV ǵasyrdyń aıaǵynda Leonardo da Vınchı salǵan ıtalııalyq aqsúıekter otbasynan shyqqan jas qyzdyń portreti. Astanadaǵy Italııa elshiliginiń habarlaýynsha, bul týyndy sheberdiń eń jumbaq ári tartymdy týyndylarynyń biri. Buǵan deıin kartına álem boıynsha 5 ret qana qoıylǵan.
- Mádenıetti ilgeriletý - Italııa men Qazaqstan arasyndaǵy dıalogtyń qýatty qozǵaltqyshy. Leonardo – máńgilik talant pen shyǵarmashylyq ıesi. Onyń bir týyndysynyń Astanadaǵy kórmesi – eki el arasyndaǵy yntymaqtastyqty nyǵaıtýdyń biregeı múmkindigi, - dep túsindirdi Italııanyń Qazaqstan Respýblıkasyndaǵy Elshisi Marko Albertı.
«ForteBank» AQ Basqarýshy dırektory Álııa Esjan Leonardo da Vınchıdiń ólmes týyndysyn ár adam joǵary emotsııamen tamashalaıtynyna senimdi.
