Qazaqstanda alǵash ret QR Prezıdenti janyndaǵy Ádebıet boıynsha ulttyq keńes qurylady
«Salany ınstıtýtsıonaldyq qaıta qurý, basqarýshylyq máselelerdi úılestirý maqsatynda elimizde alǵash ret Qazaqstan Prezıdenti janynda Ádebıet, óner boıynsha ulttyq keńesti qurý josparlanyp otyr. Sondaı-aq QR Mádenıet jáne sport mınıstrligi janynda salalar boıynsha kórkemdik keńes qurý qarastyrylýda»,-dedi vedomstvo basshysy.
Osy oraıda mınıstr Ulttyq keńes mádenı saıasatty júzege asyrý máselelerinde keńes berýdiń bas organy bolatyndyǵyn atap ótti. Onyń quramyna depýtattar, Úkmet ókilderi, shyǵarmashylyq odaqtar men mádenı uıymdardyń jetekshileri, qoǵam qaıratkerleri, bıznes-qoǵamdastyqtardyń ókilderi kiretin bolady.
Munymen qosa, salalar boıynsha kórkemdik keńester mádenıet baǵytynda básekege qabiletti otandyq ónimdi qurý maqsatynda birlestikterdiń qyzmetin yntalandyrý men baǵalaýdy, úılestirýdi qamtamasyz etedi dep kútilýde.
