Qazaqstanda alǵash ret koronavırýsqa qarsy vaktsınatsııalaý júrgizildi
NUR-SULTAN. QazAqparat - Qazaqstanda alǵash ret koronavırýsqa qarsy vaktsınatsııalaý júrgizildi. Vaktsınatsııalaýdy Qazaq ulttyq agrarlyq ýnıversıteti janyndaǵy Halyqaralyq vaktsınologııa ortalyǵy ótkizdi. Ekpe alǵash bolyp Qazaqstandyq Ortalyq dırektory Qaısar Tabynov aldy. Bul týraly QazAqparat Habar 24 silteme jasap habarlaıdy.
Aıta ketsek, vaktsına Avstralııada jasalǵan jáne qazirgi ýaqytta klınıkalyq synaqtardyń birinshi kezeńinen ótýde.
Immýnologııa jáne vırýsologııa salasyndaǵy kóptegen mamandar koronavırýstyń bul túri týraly belgili bir bilim alǵannan keıin, pandemııany tek álemniń ártúrli elderinde vaktsınalardy qoldana bastaǵanda ǵana toqtatýǵa bolady degen oıda. Bul preparattardy jasaýmen kóptegen ǵylymı ujymdar, ınstıtýttar men kompanııalar aınalysýda. Onyń ishinde otandyq vaktsınamen bizdiń mamandar da jumys isteýde. Qoldanýǵa arnalǵan daıyn úlgiler de bar.
Jalpy Qazaqstanda koronavırýsqa qarsy vaktsınanyń bes prototıpi boıynsha jumys júrgizilip jatyr. COVID-19 vaktsınasyn jasaý boıynsha jumystardyń barysyna qyzyǵýshylyq tanytqan azamattar DDSU veb-saıtynda vaktsınaǵa úmitkerler týraly jalpy sholýdy oqı alady. Vaktsınaǵa úmitkerlerdiń tizimi únemi jańartylyp otyrady.
Qazaqstan ǵalymdary ázirlep jatqan koronavırýs ınfektsııasyna qarsy kandıdattyq vaktsına klınıkalyq zertteýden kúzde ótkiziledi. Sondaı-aq, mamandar koronavırýsqa qarsy vaktsına qashan daıyn bolatyny týraly da aıtty.
Aldyn ala boljamǵa sáıkes, Qazaqstanda koronavırýsqa qarsy vaktsına 65 jastan asqan, júrek-qan tamyry aýrýy, qant dıabeti jáne sozylmaly ókpe aýrýlary bar táýekel tobyna kiretin adamdarǵa jáne medıtsına qyzmetkerlerine salynatyn bolady. Vaktsına alatyndardyń boljamdy sany 2 347 000 adamdy quraıdy.
