Qazaqstanda alǵash ret qan toby úılespeıtin donordan baýyr almastyrylady
ASTANA. QazAqparat - Qazaqstanda alǵash ret qan toby úılespeıtin donordan baýyr almastyrý operatsııasy jasalady. Bul týraly Onkologııa jáne transplantologııa ulttyq ǵylymı ortalyǵy baspasóz qyzmeti málim etti, dep habarlaıdy QazAqparat.
«UMC» korporatıvtik qorynyń Onkologııa jáne transplantologııa ulttyq ǵylymı ortalyǵynda ótetin sheberlik sabaǵy aıasynda Qazaqstanda alǵash ret qan toby úılespeıtin donordan baýyr almastyrý operatsııasy jasalady. Sheberlik sabaǵy Seýl ulttyq ýnıversıteti gospıtaliniń halyqaralyq densaýlyq saqtaý ortalyǵynyń atqarýshy dırektory Kvang Výng Lı jáne aǵzalardy transplanttaý ortalyǵynyń dotsenti Kýıng Chýl Enniń qatysýymen ótedi», - dep atap ótilgen baspasóz qyzmeti málimetinde.
Ortalyqtyń habarlaýynsha, is-shara maqsaty - qan toptary úılespeıtin kezde týys donordan baýyr transplanttaý tehnologııalaryn meńgerý. Osy oraıda atalǵan tehnologııalardy oryndaýǵa qajetti teorııalyq bilimdi júıelendirý men tájirıbelik mashyqtardy jetildirýge nazar aýdarylady
