Qazaqstanda alǵash ret «Internet-doda» baıqaýy ótedi
ASTANA. 9 qazan. QazAqparat - Erteń, 10 qazan kúni elimizde tuńǵysh ret qazaq tildi saıttar arasyndaǵy «Internet-doda» baıqaýy bastalady.
Oǵan memlekettik tildi nasıhattap, elimizdegi jastar saıasatyn damytýǵa úles qosyp júrgen ǵalamtor jelileri qatysa alady. «Internet-doda» baıqaýyna tek jastarǵa arnalǵan memlekettik tildegi, «kz» domeni bar veb saıttar ǵana qatysa alady. Telearna, radıo, gazetter men memlekettik mekemelerdiń, sheteldik uıymdardyń saıttary baıqaýǵa qatystyrylmaıdy. Al irikteý jumysy barysynda veb saıttardyń mazmuny, dızaıny, grammatıkasy, jańartylýy, oqyrmandardyń sany men pikirleri, foto-vıdeo materıaldardyń sapasyna erekshe kóńil bólinedi. Barlyq ótinishter 10 qazannan bastap 30 kún boıy qabyldanady. Baıqaý qorytyndysy qarasha aıynda shyǵarylady, jeńimpazdar baǵaly syılyqtarmen marapattalmaq. Іs-sharanyń uıymdastyrýshy - «Sovremennnyı gorod» qoǵamdyq birlestigi.
