Qazaqstanda alǵash ret ınklıýzıvti fýtbol klýby ashyldy
ASTANA. QazAqparat - «Qaırat» fýtbol komandasynyń T.Segizbaev atyndaǵy fýtbol akademııasynda «Ańsaý» atty Qazaqstanda alǵashqy ınklıýzıvti balalar fýtbol klýbynyń tusaýkeseri ótti, dep habarlaıdy QazAqparat «SPORTINFORM»-ǵa silteme jasap.
«Meıirim» eriktiler qoǵamy» qoǵamdyq qory men «Qaırat» FK-niń «Aýtızmdi jeńýge bolady» atty áleýmettik jobasy aýtızm dertine shaldyqqan balalardy sportqa baýlýǵa múmkindik beredi.
«Mundaı tájirıbe - biregeı, sebebi aýtıst balalar bir-birimen árekettese almaıdy. Jattyqtyrý protsesiniń búgingi mysaly bul jaǵdaıdy ózgertýge bolatynyn kórsetip otyr», - dep atap ótti uıymdastyrýshylar.
«Aýtızmdi jeńýge bolady» jobasy óz jumysyn 2013 jyly Almaty qalasyndaǵy aýtıst balalardyń ata-analary qaýymdastyǵynda bastaǵan. Joba balalary aýtıstik spektr aýytqýyna dýshar bolǵan qazaqstandyq otbasylarǵa kómektesýge baǵyttalǵan.
