Qazaqstanda alǵash ret hokkeıden álem chempıonaty ótedi
ASTANA. QazAqparat - Danııada ótken Halyqaralyq hokkeı federatsııasynyń kongresi barysynda 2019 jyly álem chempıonatyn ótkizetin elder tańdaýǵa tústi, dep habarlaıdy «SPORTINFORM» SAA.
Hokkeıden álemdik dodany ótkizýge Qazaqstan men Slovenııa elderi ótinim bildirgen bolatyn. Daýys berý nátıjesi boıynsha Qazaqstan jeńiske jetti.
Osylaısha, 2019 jyldyń 29 sáýirinen 5 mamyryna deıin Álem chempıonatynyń birinshi dıvızıon oıyndary Astanadaǵy «Barys-Arena» muz aıdynynda ótedi.
Týrnırge Qazaqstan, Slovenııa, Vengrııa, Belarýs, Ońtústik Koreıa jáne Lıtva quramalary qatysady.
