Qazaqstanda alǵash ret dárilerdi elektrondyq satyp alý iske qosyldy
ASTANA. QazAqparat - Qazaqstanda tegin dárilik qamtamasyz etý úshin dári-dármekter beretin farmdıstrıbıýtorlar men óndirýshiler elektrondyq satyp alý júıesin testileýdi aıaqtady, dep habarlaıdy QazAqparat «SQ-Farmatsııa» kompanııasynyń baspasóz qyzmetine silteme jasap.
Biryńǵaı dıstrıbıýtor aǵymdaǵy jylǵa dári-dármektiń 35 túrine elektrondyq satyp alý jarııalandy.
«SQ-Farmatsııa» JShS Basqarma tóraǵasynyń mindetin atqarýshy Berik Sháriptiń aıtýynsha, testilik satyp alý eki márte ótkizilgen. Testilik satyp alýǵa 35 qatysýshy qatyssa, onyń 22-si barlyq rásimderdi tipti aýktsıonǵa deıin ótken.
Testilik satyp alý tenderlik komıssııa músheleri men áleýetti ónim berýshilerge júıeni uǵynyp alýǵa jáne olqylyqtardy anyqtaýǵa múmkindik bergen. Barlyq eskertýler Elektrondyq kommertsııa ortalyǵyna - portaldyń ázirleýshilerine joldanǵan.
«Búgin biz dárilik zattardy alǵash elektrondyq satyp alýdy jarııaladyq. Rásimderge qatysýshylar tender rásimderine qatysý úshin qujat jınap jatqanda, ázirleýshiler barlyq anyqtalǵan olqylyqtardy joıatyn bolady jáne aǵymdaǵy jylǵy satyp alý sheńberinde biz barlyq tetikterdi taǵy bir pysyqtaıtyn bolamyz. Osylaısha, 2019 jylǵa arnalǵan úlken satyp alýǵa qaraı júıe tolyqtaı jolǵa qoıylatyn bolady», - dep atap ótti Berik Shárip.
Qazir alǵashqy elektrondyq satyp alý sheńberinde tenderge 35 ataý jarııalanǵan, onyń ishinde - psıhotroptyq, týberkýlezge qarsy, bakterııaǵa qarsy preparattar, sondaı-aq medıtsınalyq maqsattaǵy buıymdar bar. Buryn bul pozıtsııalar áleýetti ónim berýshilerden usynystar bolmaǵan, QR-daǵy tirkeý merziminiń ótip ketýi sebepterinen nemese keı preparattar óndiristen alynyp tastalǵandyqtan 2018 jylǵa satyp alynbaǵan bolatyn. Jańa júıe boıynsha satyp alynǵan dári-dármekter qazan aıynan bastap medıtsınalyq uıymdarǵa jetkizile bastaıdy.
Aıta ketý kerek, satyp alýdyń elektrondyq formatyna kóshýdi biryńǵaı dıstrıbıýtor densaýlyq saqtaý salasyn tsıfrlandyrý sheńberinde iske asyrylyp otyr. Áleýmettik mańyzyn eskere otyryp, jobany Elektrondyq kommertsııa ortalyǵy óteýsiz negizde iske asyrýda. Dári-dármekterdi elektrondyq satyp alýǵa arnalǵan platforma sk-pharmacy.ecc.kz/ veb-portalynda ornalasqan.
Elektrondyq satyp alý ákimshilik kedergilerdi azaıtýǵa, satyp alý rásimderiniń ashyqtyǵy men ádildigin qamtamasyz etýge múmkindik beredi. Іs júzinde áleýetti ónim berýshilerge qaǵaz tasymaldaǵyshta tek bank kepildigin ǵana berý qajet bolady. Barlyq qalǵan qujattardy ónim berýshiler veb-portalǵa elektrondyq túrde júkteı alady.
