Qazaqstanda alǵash ret BBQ tańbalaý pılottyq rejımde iske qosyldy
ASTANA. KAZINFORM – Qazaqstanda bıologııalyq belsendi qospalardy (BBQ) pılottyq rejımde tańbalaý boıynsha testter ótti. Shymkenttegi eki óndirýshiniń bazasynda qospalardy tańbalaý jáne qadaǵalaý boıynsha eksperıment sátti júrgizildi.
Densaýlyq saqtaý mınıstrligi málimetinshe, eksperıment barysynda qatysýshylarǵa tańbalaý men qadaǵalaýdyń barlyq negizgi protsesteri, taýarlardy tirkeýden bastap baqylaý-kassalyq mashınalar arqyly ónimdi aınalymnan shyǵarýǵa deıin kórsetildi.
Otandyq óndirýshilerdiń biriniń atqarýshy dırektory Maqsat Jumataevtyń aıtýynsha, bıologııalyq belsendi qospalarǵa mindetti tańbalaýdy engizý salanyń birqatar máseleni sheshýge kómektesedi. Mysaly, bıologııalyq belsendi qospa óndirýshileri jıi kezdesetin máselelerdiń biri zańsyz eksport: Qazaqstanǵa arnalǵan taýarlar kórshi elderdiń sórelerinde satylyp jatady.
– Bul óte mańyzdy shara, sebebi bıologııalyq belsendi qospalar densaýlyqqa tikeleı baılanysty, olardyń áseri kóbine dári-dármekke uqsaıdy. Olarda farmakologııalyq áser bar, sondyqtan adamdar olardy satyp alyp, qoldanady. Al tańbalaý arqyly ónimniń ne ekenin, ony kim jáne qashan shyǵarǵanyn birden bilýge bolady. Pılottyq joba aıasynda bizge taýardy qalaı tańbalaý keregin kórneki túrde kórsetkenderine alǵys aıtamyz. Bolashaqta engizý ýaqyty kelgende bizge áldeqaıda jeńil bolatynyna senemin, – dep bólisti Maqsat Jumataev.
Ekinshi óndiristik alańda da tańbalaýdyń tolyq tizbegi sátti synaqtan ótti. 500-den astam ónim qaptamasy avtomattandyrylǵan tańbalaý júıesi arqyly biregeı Data Matrix kodtaryn aldy. Eksperımentterdiń qorytyndysy boıynsha bıologııalyq belsendi qospalardy tańbalaý júıesin sátti engizý úshin birqatar usynystar ázirlendi. Olardyń qatarynda Qazaqstanda taýardy ótkizýge eksklıýzıvti quqyǵy joq zańdy tulǵalar úshin tańbalaý kodtaryn tapsyrysty bloktaý múmkindigin engizý, qadaǵalaý qujattaryn taýar baǵalaryn kórsetpeı berý múmkindigin zertteý jáne mindetti tańbalaý engizilgende ádettegi shtrıh-kodtardy alyp tastaý oryndy ma ekenin qarastyrý bar.
Tańbalaý júıesi bıologııalyq belsendi qospalardyń óndirýshiden sońǵy tutynýshyǵa deıin tolyq qadaǵalanýyn qamtamasyz etýge baǵyttalǵan, bul Qazaqstan naryǵyndaǵy ónimniń qaýipsizdigi men sapasyn arttyrady.
Júıe tutynýshylarǵa ónim týraly tolyq aqparatty Naqty Onim mobıldi qosymshasy arqyly alýǵa múmkindik beredi, bul jalǵan ónimderdi satyp alý qaýpin aıtarlyqtaı azaıtady jáne ónimge degen senimdilikti arttyrady.
Bıologııalyq belsendi qospalardy tańbalaý boıynsha pılottyq joba aıasynda ótkizilgen eksperımentterge QR Densaýlyq saqtaý mınıstrliginiń, «Atameken» kásipkerler palatasynyń ókilderi, sondaı-aq Biryńǵaı tańbalaý jáne qadaǵalaý operatory men ıntegrator-kompanııalardyń mamandary qatysty.
Buǵan deıin ósimdik maıyn tańbalaý boıynsha pılottyq joba bastalatynyn jazǵan bolatynbyz.
Qazaqstan drondardy tańbalap ákelý tártibin engizbekshi.