Qazaqstanda alǵash ret áýe júkteri jáne logıstıka boıynsha aımaqtyq TIACA forýmy ótedi
ASTANA. KAZINFORM - 19-21 maýsym aralyǵynda Qazaqstanda alǵash ret avıatsııalyq júkter jáne logıstıka jónindegi aımaqtyq forým ótedi. Ol QR Kólik mınıstrligi men azamattyq avıatsııa komıtetiniń, Halyqaralyq Per tasymaly qaýymdastyǵynyń (TIACA) qoldaýymen ótedi.
Іs-sharany Qazaqstannyń avıatsııalyq ákimshiligi birlesip uıymdastyrady.
Júk forýmy 2-shi Aviation talks aıasynda «Silk Road in the Sky — Kazakhstan Air Cargo Hub» ataýymen ótedi. Qazaqstanda TIACA óńirlik forýmyn uıymdastyrý jáne ótkizý tranzıttik áleýet, mýltımodaldy tasymaldar, júk tasymaldaryndaǵy ınnovatsııalar men tsıfrlandyrý, áýejaılardyń ınfraqurylymy, logıstıkalyq ortalyqtar, tıimdi kedendik rásimder, turaqty avıatsııalyq otyn, halyqaralyq tasymaldaýshylarmen yntymaqtastyq, oqytýǵa jáne kadrlarǵa ınvestıtsııalar sııaqty avıajúk salasyn damytýdyń mańyzdy baǵyttaryn talqylaýǵa múmkindik beredi.
Forýmǵa halyqaralyq jáne aımaqtyq deńgeıdegi avıatsııalyq júkterdi tasymaldaýdyń barlyq logıstıkalyq tizbegi qatysady dep josparlanǵan. Іs-shara tájirıbe almasý, baılanys ornatý jáne salanyń aǵymdaǵy problemalaryn sheshý úshin mańyzdy.
TIACA aımaqtyq forýmyna qatysý úshin aldyn-ala tirkelý 2024 jyldyń 15 mamyryna deıin jalǵasady. Syrtqy qatysýshylardy tirkeý TIACA saıtyndaǵy silteme boıynsha júrgiziledi. Qazaqstan tarapynan tirkeýdi Qazaqstannyń avıatsııalyq ákimshiligi elektrondyq mekenjaı boıynsha júrgizedi: Regtiacakz@caa.gov.kz .
