Qazaqstanda alǵash ret áleýmettik jelidegi talanttar konkýrsy ótkizildi
ASTANA. QazAqparat - Respýblıkalyq Halyqtyń súıiktisi: «Talant show» baıqaýy áleýmettik jelidegi eń úzdik talantty ónerpazdardy anyqtady, dep habarlaıdy QazAqparat tilshisi.
Alǵash ótkizilgen Halyqtyń súıiktisi: «Talant show» vıdeoonlaın konkýrsy respýblıkalyq sheńberinde uıymdastyryldy.
«Talant show» ónerpazdar baıqaýynyń maqsaty - halyq ishinde, áleýmettik jelide belsendi, ónerpaz talant ıelerin anyqtap, olarǵa shyǵarmashylyq qoldaý kórsetý.
Baıqaýǵa kez kelgen adamnyń qatysý múmkindigi boldy jáne jas ereksheliginde shekteý bolǵan joq. Basty sharty qatysýshy óz ónerin vıdeoǵa túsirip (án aıtý, bı bıleý, fokýs kórsetý t.b.) ony áleýmettik jelige júkteý qajet.
Konkýrsqa elimizdiń barlyq óńirinen 100-den asa jumys kelip tústi, sonyń ishinen 6 úzdik jumys tańdalynyp alyndy. Úzdik talant ıelerin anyqtaý Facebook áleýmettik jelisinde onlaın daýys berý arqyly júzege asyryldy.
«Bizde kóptegen óner festıvali, baıqaýlar bar, biraq olar kásibı ónerpazdarǵa arnalǵan. Al qarapaıym halyqqa arnalǵan shoý, baıqaý joqtyń qasy. ıAǵnı bul jerde arnaıy bilimi, jas ereksheligi basqada talaptar joq. Eń bastysy ózińde bar ónerdi vıdeoǵa túsir de, áleýmettik jelige júkte, al halyq sonyń ishinen ózine unaǵan ónerpazǵa daýys berip úzdik talant ıesin anyqtaıdy. Bul halyqtyń mádıenıeti men ónerge degen súıispenshiligin arttyrady. Jáne halyq arasynda júrgen ónerli talanttardy tabýǵa birden bir múmkindik»,- dedi Halyqtyń súıiktisi: «Talant show» konkýrsy ıdeıasynyń avtory Ǵalym Baıtýk.
Halyqtyń súıiktisi: «Talant show» konkýrsynyń jeńimpazdary:
1 oryn Aıbek Jaǵypar, Qyzylorda qalasy;
2 oryn Arýjan Qaıyrjanova, Astana qalasy;
2 oryn Raıan Qadyrbekov, Astana qalasy;
3 oryn Marjan Qýanyshbekova, Mańǵystaý oblysy, Beıneý adýany;
3 oryn Raýan Qaıdarov, Pavlodar qalasy;
3 oryn Aıjan Shahaeva, Qostanaı oblysy, Rýdnyı qalasy.
Konkýrs jeńimpazdary úshin arnaıy marapattaý sáti uıymdastyrylyp qarjylaı syıaqy men estelik syılyqtar berildi.
Aıta keteıik, atalǵan konkýrsty Astana qalasy ákimdiginiń qoldaýymen «Respýblıka-Aımaq-Damý» qoǵamdyq qory uıymdastyrdy jáne baıqaýdy jyl saıyn ótkizip, dástúrge aınaldyrý maqsaty kózdelip otyr.
