Qazaqstanda alǵash ret adamnan egiz parazıtti alyp tastaý otasy jasaldy
ALMATY. QazAqparat – Almaty qalalyq 2-shi klınıkalyq balalar aýrýhanasynyń hırýrgtary kúrdeli ota jasady, dep habarlaıdy QazAqparat Almaty.tv telearnasyna silteme jasap.
Sáýir aıynda №2 qalalyq aýrýhanada jańa hırýrgııalyq bólim ashyldy. Jarty jyl ishinde munda 150-den asa kúrdeli ota jasalǵan. Olardyń biri erekshe bolǵany sonsha – eldiń búkil medıtsına qaýymynyń nazaryn aýdardy.
Erekshe naýqas — jeti jasar qyz. Ata-anasynyń sózi boıynsha, balanyń týǵannan omyrtqasy aýyryp, dárigerler beldiń isigi degen dıagnoz qoıǵan.
«Biz tilgennen keıin bul teratoma ekenin anyqtadyq. Dene bólikterin kórdik. ıAǵnı, uryq bolǵan», - deıdi №2 qalalyq klınıkalyq aýrýhana bas dárigeriniń orynbasary Álibek Jarasov.
Jyldar boıy ol qyzdyń denesinde ósken. Otanyń sátti aıaqtalýyn ǵajaıypqa teńeýge bolady, óıtkeni mundaı jaǵdaılar sırek kezdesedi.
Aýrýhana basshylyǵy kelesi jyly hırýrgııa bólimin keńeıtip, jańa qurylǵy alýdy josparlap otyr.
«Biz buryn qalamyzda jasalmaǵan otalardy jasaý úshin operatsııalyq makroskop, neırohırýrgııalyq navıgatsııa alýdy josparlap otyrmyz», - dep málimdedi №2 qalalyq balalar aýrýhanasynyń bas dárigeri Marat Rabandııarov.
