Qazaqstanda alǵash ret 5G úshin radıojıilikterge ashyq aýktsıon ótip jatyr

ASTANA. QazAqparat - Elimizde tuńǵysh ret 5G úshin ashyq aýktsıon ótip jatyr. Bul jaıynda Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat.

«Búgin - Qazaqstannyń telekommýnıkatsııa salasy úshin tarıhı kún. Biz alǵash ret mobıldi baılanystyń besinshi býyny (5G) úshin radıojıilikterge ashyq aýktsıon ótkizip jatyrmyz! Aıqyn jáne ashyq túrde ótip jatqan básekede №1 lot boıynsha (3600-3700 MGTs jıilik) saýda-sattyq aıaqtaldy. Jeńimpaz - 62,669 mlrd teńge qarjyǵa ótinim bildirdi» dep jazdy mınıstr Telegram paraqshasynda.

Al, ekinshi lot boıynsha báseke erteń jalǵasady.

Bul aýktsıon - ulttyq resýrstarǵa ashyq qoljetimdilikti jáne báseke ortasyn qalyptastyrýdyń aıqyn mysaly.

Budan bólek, saýda-sattyq bıýdjetti tolyqtyrýǵa yqpal etedi.