Qazaqstanda alǵash ret 31-37 jas aralyǵyndaǵy áskerı mindettilerdiń jıyny ótti
ASTANA. QazAqparat - Qaraǵandy garnızonynyń áskerı polıtsııasy bóliminde alǵash ret Qazaqstan Respýblıkasynyń áskerı mindetti azamattarymen jıyn bastaldy. Jıyn 23 qyrkúıekke deıin sozylady, oǵan 31 men 37 jas aralyǵyndaǵy 70 adam qatysady.
Bul týraly QR QM baspasóz qyzmeti habarlady.
Áskerı mindettiler jaýyngerlik daıarlyq pen áskerı is negizderin, sondaı-aq Qazaqstan Respýblıkasynyń Qarýly Kúshterinde, basqa da áskerı quralymdarda quqyqtyq tártipti qamtamasyz etý máselelerinde áskerı polıtsııa organdarynyń qyzmeti men mindetterin reglamentteıtin normatıvtik-quqyqtyq aktilerdi zerdeleıdi.
Jıyn aıaqtalysymen áskerı mindettiler emtıhan jáne synaq tapsyrady. Rezerv baǵdarlamasyn sátti aıaqtaǵandarǵa kezekti áskerı ataq berilip, gramotalar tabys etiledi.
Qaraǵandy oblysyna qarasty «Spassk» oqý-jattyǵý ortalyǵyndaǵy áskerı mindettiler jıynynyń ótý barysyn QR QK Áskerı polıtsııasy bas basqarmasynyń bastyǵy general-maıor Tımýr Dándibaev baqylap otyrdy.
Áskerı jıynnyń negizgi maqsaty áskerı bólimderdiń jaýyngerlik jáne jumyldyrý ázirligin arttyrý, Qazaqstan Respýblıkasynyń Qarýly Kúshterin, basqa da áskerleri men áskerı quralymdaryn óristetý úshin qajet qorda áskerı-oqytylǵan resýrstardy daıyndaý jáne jınaqtaý bolyp tabylatynyn aıta keteıik.
