Qazaqstanda alǵash Pedıatrııalyq kómekti uıymdastyrý standarty bekitildi
«Atalǵan qujat elimizdegi Pedıatrııa jáne balalar hırýrgııasy ǵylymı ortalyǵy, Ana men bala ulttyq ǵylymı ortalyǵy «UMC», Qazaq úzdiksiz bilim berý medıtsınalyq ýnıversıteti, «S.J. Asfendııarov atyndaǵy Qazaq ulttyq medıtsınalyq ýnıversıteti» ShJQ RMK jáne basqa da jetekshi medıtsınalyq mekemelerdiń mamandarynyń qatysýymen ázirlendi. BUU Balalar Qory (ıÝNISEF) usynǵan náresteler men erte jastaǵy balalardy úı jaǵdaıynda patronajdyq baqylaýdyń jańa ámbebap-progressıvti modelin uıymdastyra otyryp, alǵashqy ret medıtsınalyq qyzmetter tizbesi belgilendi», - dep atap ótilgen mınıstrliktiń málimetinde.
Atap aıtqanda, jańa model balanyń ómirine, densaýlyǵyna jáne damýyna qaýip tóndiretin medıtsınalyq nemese áleýmettik sıpattaǵy táýekelderdi anyqtaýdy ári tómendetýdi kózdeıdi. Elimizdegi halyqtyń áleýmettik jaǵynan osal toptaryna kóp kóńil bólinedi. Naqty bir otbasynyń anyqtalǵan kúrdeli máselelerine baılanysty balany patronajdyq baqylaý sharalarynyń jeke jospary ázirlenýde jáne oryndalý merzimi kórsetilgen otbasynyń jeke jospary jasalýda.
«Standart 0-den bastap 18 jasqa deıingi balalardyń aýrýshańdyǵy, ólim-jitimi jáne múgedektiginiń profılaktıkasy men olardy tómendetý boıynsha atalǵan sharalardy júrgizýdi kózdeıdi. Sonymen qatar, nárestelerge statsıonarlyq kómekti uıymdastyrýdy jaqsartý maqsatynda balalardy jańa týylǵan kezden bastap emdeý úshin qajetti medıtsınalyq jabdyqtar men medıtsınalyq maqsattaǵy buıymdardyń tizimi belgilendi», - delingen habarlamada.
Foto: livestrong.com