Qazaqstanda áleýmettik jaǵynan osal sanattarǵa arnalǵan jedel jeli ashyldy
ASTANA. KAZINFORM – Májilis depýtaty, QR Prezıdenti janyndaǵy Halyqtyń áleýmettik jaǵynan osal sanattarynyń quqyqtary jónindegi ýákil Kenjeǵul Seıtjan sý tasqynynan zardap shekkenderge qoldaý jasaýdyń jedel jelisi týraly túsindirdi.
«Sý tasqyny, epıdemııa jáne basqa da tótenshe jaǵdaılar kezeńinde halyqtyń ásirese áleýmettik osal toptary qıyndyqtarǵa tap bolýy múmkin. Bul turǵyda, osy toptardyń tıisti organdar men qurylymdardan aqparat alýyna, sondaı-aq kómek pen qoldaýǵa jedel qol jetkizýin qamtamasyz etý úshin jedel jeliniń qajet ekenin túsinikti.
Osyǵan baılanysty Ombýdsmenniń jedel jelisiniń baılanys derekterin usynamyn. Atap aıtqanda, +7 702 282 61 83 uıaly baılanys nómiri jáne upolnomochennyysusn.2024@gmail.com
elektrondy poshta arqyly aqparat alýǵa bolady», - dedi K. Seıtjan Ortalyq kommýnıkatsııalar qyzmetindegi baspasóz máslıhatynda.
Aıta keteıik, 15 sáýirde sý tasqynynan zardap shekken 2300 otbasyna 555 mln teńgeden astam somaǵa áleýmettik kómek jasalǵany málim boldy.
