Qazaqstanda áleýmettik mańyzy bar birqatar azyq-túlik arzandady
ASTANA.KAZINFORM - 2026 jylǵy 15 shildedegi jaǵdaı boıynsha, esepti aptada Qazaqstanda áleýmettik mańyzy bar birqatar azyq-túlik taýarlarynyń baǵasy tómendedi.
Ulttyq statıstıka bıýrosy málimetinshe, óńirler bólinisinde baǵanyń tómendeý úrdisi elimizdiń birqatar qalasynda baıqaldy. Áleýmettik mańyzy bar azyq-túlik taýarlarynyń jalpy baǵa deńgeıi bir apta ishinde Aqtaýda (-0,7%), Qonaevta (-0,3%), Jezqazǵan men Petropavlda (árqaısysy -0,2%), Taraz, Qaraǵandy jáne Túrkistanda (árqaısysy -0,1%) tómendedi. Al Astana, Shymkent, Qyzylorda, Óskemen, Pavlodar jáne Semeı qalalarynda baǵalar ótken apta deńgeıinde saqtaldy.
Respýblıka boıynsha qııardyń ortasha baǵasy bir kelisi úshin 524 teńge boldy. Eń tómen baǵa Taraz qalasynda tirkelip, bir kelisi 357 teńge boldy.
Tazartylǵan kúrishtiń ortasha baǵasy respýblıka boıynsha bir kelisi úshin 534 teńge. Eń qoljetimdi baǵa Qyzylordada – 456 teńge, Almatyda – 478 teńge.
Aq qaýdandy qyryqqabattyń ortasha baǵasy respýblıka boıynsha bir kelisi úshin 198 teńge boldy. Eń tómen baǵa Túrkistan qalasynda, bir kelisi 137 teńge.
I sanattaǵy 10 dana jumyrtqanyń ortasha baǵasy respýblıka boıynsha 561 teńge. Eń tómen baǵa Qyzylordada (464 teńge) jáne Oralda (476 teńge) tirkeldi.
Áleýmettik mańyzy bar azyq-túlik taýarlary baǵalary ındeksiniń kórsetkishi apta saıyn esepteledi. Baǵalardy baqylaý barlyq oblys ortalyqtarynda, respýblıkalyq mańyzy bar qalalarda jáne astanada júrgiziledi.
Aıta keteıik, Azyq-túlik korporatsııasy bıyl agrarshylardy qoldaýǵa 65,7 mlrd teńge bóledi.
