Qazaqstanda áleýmettik jeli men aqparat keńistigi buǵattalǵan joq

ASTANA. qazAqparat - Qazaqstan Respýblıkasynyń Aqparat jáne kommýnıkatsııalar mınıstrligi áleýmettik jeliler men aqparat resýrstardy buǵattaǵan joq. Bul týraly «QazAqparat» tilshisine mınıstrliktiń resmı ókili Ársen Bektasov málim etti.

«Qazaqstanda aqparattyq agenttikter men áleýmettik jelilerdi buǵattaý bastaldy degen aqparat shyndyqqa janaspaıdy. Mınıstrlik jekelegen saıttardy buǵaýlaǵan joq. Bálkim, resýrstardyń qoljetimsiz bolyp turǵany - aqparat resýrstardyń ornalasqan jerindegi tehnıkalyq servıstiń qýaty nemese trafıktiń artýy sebep bolǵan shyǵar»,-deıdi Á.Bektasov.

Al, buǵan deıin habarlaǵynymyzdaı, Qazaqstannyń basty telearnalary tehnıkalyq profılaktıkaǵa baılanysty, búgin aqparat taratpaǵan edi. Degenmen, Á.Bektasov habarlaǵandaı, «24kz» telearnasy shuǵyl habar taratýǵa kirisedi.

«Qazir mınıstrlik «24kz» arnasyn tez arada efırge qosý sharasyn qolǵa aldy. Qalǵan telearnalar saǵat 17.00-ge deıingi profılaktıkalyq sharaǵa baılanysty, ázirge jumys istep turǵan joq»,-dedi Á.Bektasov.