Qazaqstanda áleýmettik sala qyzmetkerleriniń jalaqysy 2 ese artty
QR Eńbek jáne áleýmettik qorǵaý mınıstrliginen málim etkendeı, áleýmettik sala mamandarynyń eńbekaqysy budan ári de ósi bermek. Máselen, 2022 jyly - 25%, 2023 jyly taǵy 25% artady. Bul maqsatqa memlekettik bıýdjetten aldaǵy úsh jylǵa 95 mlrd teńge bólindi.
QR Úkimetiniń bıylǵy 12 qańtarda ótken otyrysynda «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» QR Úkimetiniń 2015 jylǵy 31 jeltoqsandaǵy № 1193 qaýlysyna ózgerister engizý týraly» qaýly qabyldandy.
Oǵan sáıkes,
- statsıonarlyq jáne jartylaı statsıonarlyq úlgidegi medıtsınalyq-áleýmettik mekemelerde (MÁM);
úıde qyzmet kórsetý uıymdarynda;
ýaqytsha bolý uıymdarynda;
jumyspen qamtý ortalyqtarynda qyzmet etetin basshylyq quram men negizgi personaldyń (áleýmettik qyzmetkerler, pedagogtar, medıtsına qyzmetkerleri jáne t.b.) jalaqysyn úsh jyl ishinde arttyrý kózdelgen.
«Qaýlyda sondaı-aq qoldanystaǵy qosymsha aqynyń mólsherin bazalyq laýazymdyq jalaqynyń 30%-ynan laýazymdyq jalaqynyń 40%-yna ózgertý jolymen statsıonarlyq jáne jartylaı statsıonarlyq úlgidegi MÁM-de, úıde qyzmet kórsetý jáne ýaqytsha bolý uıymdarynda jumys isteıtin ákimshilik jáne qosalqy personal úshin jalaqyny arttyrý kózdelgen», - delingen mınıstrlik aqparatynda.