Qazaqstanda áleýmettik rolıkter bazasy quryla bastady - mınıstr Abaev

ASTANA. QazAqparat - Qazaqstanda áleýmettik rolıkter bazasy qurylyp jatyr. Bul týraly QR Aqparat jáne kommýnıkatsııalar mınıstri Dáýren Abaev Facebook-tegi óziniń paraqshasynda jazdy, dep xabarlaıdy QazAqparat tilshisi.

"Qurmetti dostar, mınıstrlik áleýmettik rolıkter bazasyn qurý jumysyna kiristi. Atalǵan rolıkter otandyq telearnalarda, sondaı-aq sheteldik arnalardyń jarnama bloktary kezinde kórsetiletin bolady", - dep atap kórsetti Dáýren Abaev.

Aıta keteıik, buǵan deıin QR Ulttyq ekonomıka mınıstrligi qazaqstandyq tele- jáne radıo arnalardy kúndizgi ýaqytta áleýmettik rolıkterdi tegin kórsetýge mindetteýdi usynǵan bolatyn.