Qazaqstanda Áleýmettik medıtsınalyq saqtandyrý qory qurylady
Bul týraly búgin QR Parlamenti Májilisindegi Úkimet saǵatynda «Mindetti áleýmettik medıtsınalyq saqtandyrý týraly» Zań jobasyn tanystyrǵan Densaýlyq saqtaý jáne áleýmettik damý mınıstri Tamara Dúısenova málim etti.
Mınıstrdiń atap ótýinshe, zań jobasyna sáıkes azamattarǵa medıtsınalyq qyzmettiń 3 túri usynylady. Birinshisi, respýblıkalyq bıýdjetten qarjylandyrylatyn medıtsınalyq kómektiń memleket kepildendirilgen kólemin usynatyn bazalyq paket. Ekinshisi, qaıtadan qurylatyn medıtsınalyq saqtandyrý qory usynatyn saqtandyrý paketi. Úshinshisi, erikti saqtandyrýǵa qatysqan azamattar ala alatyn qosymsha paket.
Sonymen qatar onyń sózine qaraǵanda, mindetti aı saıynǵy jarnalar men QR DSÁDM medıtsınalyq qyzmetterdi tóleý komıtetiniń bazasynda medıtsınalyq qyzmetterdi satyp alý toptastyrý úshin kommertsııalyq emes aktsıonerlik qoǵamnyń uıymdastyrýshylyq-quqyqtyq úlgisinde Áleýmettik medıtsınalyq saqtandyrý qory qurylatyn bolady.
«Erekeshe sanattaǵy azamattar úshin memleket tóleıtin jarnanyń mólsherlemesi ortasha aılyq eńbekaqynyń 7 paıyzyn quraıdy. Mólsherlemeniń kólemi 2017 jyly 4, 2018 jyly5, 2023 6, a 2024 jyldan 7 paıyzǵa satylaı ósiriledi», - dedi ol.
Mınıstrdiń aıtýynsha, jumys berýshiler jarnasy mólsherlemesiniń jalpy kólemi kiristiń 5 paıyzyn quraıdy. Aýdarym 2017 jyly 2, 2018 jyly 3, 2019 jyly 4, 2020 jyly 5 payzdan bastalatyn bolady. Qyzmetkerler jarnasynyń mólsherlemesi kiristiń 2 paıyzyn quraıtyn bolady. Al ózin-ózi jumyspen qamtyǵan azamattar jarnasynyń mólsherlemesi olardyń kirisiniń 7 paıyzyn quraıdy. Ol 2017 jyly 2, 2018 jyly 3, 2019 jyly 5, 2020 jyldan 7 paıyz bolady.