Qazaqstanda áleýmettik mańyzy bar azyq-túlik jetispeýshiligi joq – AShM
«Qazirgi ýaqytta aımaqtardaǵy turaqtandyrý qorlarynda, óndirýshilerdiń qoımalarynda, saýda-sattyq uıymdary men ózge de saqtaý qoımalarynda 12 mln tonna áleýmettik mańyzy bar azyq-túlik bar. Bul kólem azyq-túliktiń túrlerine baılanysty 1 jyldan 6 aıǵa deıin jetkilikti. Azyq-túlik taýarlarynyń óndirisi toqtamaıdy. Turaqty qor barshylyq», - dep habarlady Aýyl sharýashylyǵy mınıstrliginen.
Azyq-túlikter men taýarlar óndiris ornynan saýda ortalyqtary men bazarlarǵa josparlanǵan keste boıynsha jetkiziledi.
«QR Úkimeti azyq-túliktiń negizgi túrleriniń ádeıi qymbattap ketýin boldyrmaý sharalaryn júzege asyryp jatyr. Jergilikti atqarýshy organdar áleýmettik mańyzy bar azyq-túlikterdiń baǵalaryn baqylaýda ustaýda», - dep habarlaıdy mınıstrlikten.
AShM sonymen qatar UR Ulttyq ekonomıka mınıstrliginiń básekeni qorǵaý jáne damytý komıteti naryq sýbektileriniń baǵa boıynsha sóz baılasýyna boldyrmaý úshin baqylaýdy kúsheıtkenin habarlaıdy. Mundaı jaǵdaıda naryq sýbektilerine aıyppul sanktsııalary engizilmek.
«Azamattardy dúrbeleńge berilmeýge shaqyramyz. Eger áleýmettik mańyzy bar azyq-túlik baǵasynyń negizsiz óskenin baıqasańyz, +7 7172 74-96-71 nómirine nemese Telegram arnasyna habarlasýǵa bolady», - dep habarlaıdy AShM-nan.
