Qazaqstanda áleýmettik ınspektor laýazymy engizilýi múmkin
ASTANA. QazAqparat - Qazaqstanda áleýmettik ınspektor laýazymy engizilýi múmkin. Bul týraly búgin QR Parlamenti Májilisi Áleýmettik-mádenı damý komıtetiniń kóshpeli otyrysynda QR Densaýlyq saqtaý jáne áleýmettik damý vıtse-mınıstri Svetlana Jaqypova aıtty.
«Lıtvada Áleýmettik qadaǵalaý departamenti jumys isteıdi. Osy tájirıbeni eskere otyryp, bolashaqta Qazaqstanda áleýmettik ınspektor ınstıtýtyn qurý týraly usynys jasaldy», - dedi ol.
Onń sózine qaraǵanda, áleýmettik ınspektor laýazymy memlekettik eńbek ınspektoryna uqsas bolmaq. Jalpy, vıtse-mınıstrdiń aıtýynsha, «Arnaıy áleýmettik qyzmetter týraly» Zańǵa sáıkes áleýmettik qyzmetter barlyq memlekettik organdar tarapynan kórsetiledi.
«Bul baqylaý shaǵyn óz salasynda ǵana qamtylady. Áleýmettik ınspektor kórsetiletin arnaıy áleýmettik qyzmetterdiń quzyrettiligin, qamtylýyn jáne tıimdiligin tolyǵymen qaraýy tıis», - dedi S.Jaqypova.
