Qazaqstanda áleýmettik bloktyń shyǵystary 581 mlrd teńgege ulǵaıtyldy
«2022 jylǵa arnalǵan respýblıkalyq bıýdjetti naqtylaý týraly zań jobasy usynylyp otyr. Zań jobasy Memleket basshysynyń aǵymdaǵy jyldyń basynda bergen tapsyrmalaryn jáne memlekettiń basqa da shuǵyl mindettemelerin iske asyrýǵa baǵyttalǵan. Atalǵan baǵyttar boıynsha bıýdjet shyǵystary 2,7 trln teńgege artyp otyr», - dedi QR Premer-Mınıstriniń orynbasary - Qarjy mınıstri Erulan Jamaýbaev.
Bıýdjet shyǵystary kelesi kózder esebinen ulǵaıtyldy:
- bıýdjettiń óz kiristeri -1,1 trln teńge;
- Ulttyq qordan kepildendirilgen transfert - 1,6 trln teńge.
«Bul rette Ulttyq qordyń túsimderi men shyǵystarynyń teńgerimi jyl sońynda oń bolady dep boljanady. Kiristeri men shyǵystarynyń qaıta qaralýyn eskere otyryp, 2022 jylǵa arnalǵan respýblıkalyq bıýdjettiń parametrleri kelesideı qalyptasty. Bıýdjet túsimderi 2,7 trln. teńgege ulǵaıa otyryp, 15,8 trln teńgeni quraıdy. Tapshylyq Jalpy ishki ónimge 3,3% deńgeıinde saqtaldy. Respýblıkalyq bıýdjettiń shyǵystary 2,7 trln teńgege óse otyryp, 18,8 trln teńge kóleminde josparlanyp otyr», - dedi
Onyń sózine qaraǵanda, Prezıdenttiń tapsyrmalaryn iske asyrýǵa 1,8 trln teńge baǵyttaý usynylyp otyr. Bul kúsh qurylymdary men tótenshe jaǵdaılar organdarynyń jaýyngerlik ázirligi men jaraqtandyrylýyn kóterýge, óńirler men bıznesti qoldaýǵa, halyqtyń tabysyn arttyrýǵa, elimizdiń azyq-túlik qaýipsizdigin qamtamasyz etýge jáne ekonomıkany dıversıfıkatsııalaýǵa arnalǵan shyǵystar.
«Bıýdjetti naqtylaý nátıjesinde naqty sektor men óńirlerdi qoldaý kúsheıtildi. Buny bıýdjet shyǵystarynyń qurylymy kórsetip otyr. ıAǵnı shyǵystar ósiminiń basym bóligi ekonomıkanyń naqty sektoryn qoldaýǵa kózdelgen. Bul 1,3 trln teńge. Tıisinshe, shyǵystardyń jalpy kólemindegi osy baǵyttyń úlesi 5 paıyzdan astamǵa ulǵaıdy. Nátıjesinde, atalǵan salaǵa arnalǵan shyǵystar 3,4 trln teńge nemese jalpy shyǵystardyń 17,9% mólsherinde josparlanyp otyr. Osyndaı yntalandyrý orta merzimde eldiń damýyna mýltıplıkatıvtik áser etedi. Bul bıýdjet kiristeriniń qarqyndy ósýine negiz bolyp tabylady», - dedi mınıstr.
Atap aıtqanda, áleýmettik bloktyń shyǵystary 581 mlrd teńgege ulǵaıtyldy jáne 8,6 trln teńge nemese bıýdjettiń jalpy shyǵystarynyń 46%-y deńgeıinde josparlanýda.
Kúsh qurylymy shyǵystary 446 mlrd teńgege ósip, 2,2 trln teńge somasynda josparlanǵan.
«Jalpy kózdelgen shyǵystardyń 30%-ǵa jýyǵy nysanaly transferttermen óńirlerge beriletin bolady. Olardyń jalpy somasy 818 mlrd teńge bolsa, onyń ishinde damýǵa arnalǵan transfertter – 475 mlrd teńge. Naqtylaýdy eskere otyryp, óńirlerge respýblıkalyq bıýdjetten jalpy shyǵystardyń 5,5 trln teńgeden astamy nemese 29,3%-y baǵyttalatyn bolady», - dedi E. Jamaýbaev.
Budan buryn habarlanǵandaı, Budan buryn habarlanǵandaı, 2022 jylǵa arnalǵan makroekonomıkalyq kórsetkishter men bıýdjettik parametrler boljamyn naqtylaý engizilip otyr.
Sonymen qatar QR Ulttyq banki tóraǵasynyń orynbasary Vıtalıı Týtýshkın bıyl Qazaqstan úshin syrtqy ınflıatsııalyq jaǵdaı anaǵurlym kúrdeli bolatynyn aıtty.
