Qazaqstanda álemniń úzdik mergenderi bas qosady

QARAǴANDY. QazAqparat - 2018 jylǵy 20-25 tamyz aralyǵynda Qaraǵandy oblysynyń «Spassk» oqý-jattyǵý ortalyǵynyń aýmaǵynda VIII mergender jubynyń «Altyn úki - 2018» halyqaralyq jarystary ótedi, dep habarlaıdy QazAqparat tilshisi.

«Altyn úki» kýbogy úshin  Aýǵanstan, Belarýs, Belgııa, Ulybrıtanııa, Úndistan, Italııa, Qytaı, Qyrǵyzstan, Qazaqstan, Pákistan men Reseı syndy  álemniń 11 elinen kelgen úzdik mergender baq synasady. Jarystyń baqylaýshylardy retinde AQSh, BAÁ, Ońtústik Koreıa jáne Túrkııa elderiniń ókilderi qatysady.

Bes kúnge sozylatyn saıysty mergender ártúrli qashyqtyqtan, jyldamdyqpen jáne jyldamdyqsyz, táýliktiń túngi jáne kúndizgi ýaqyttarynda oıly-qyrly jerlerde baǵdar alý men búrkeý daǵdylaryn qoldaný arqyly nysanaǵa kózdeýden kúsh synasady.

Aldaǵy doda «Altyn úki - 2018» jarystarynyń tarıhyndaǵy eń irisi bolmaq. Keıbir elder saıysqa alǵash ret qatysyp jatyr.

Eske salaıyq, halyqaralyq «Altyn úki» jarystary 2008 jyldan beri ótkizilip keledi. Olar árdaıym ózge saıystardan ereksheligimen basym túsedi. Dodany josparlaý men uıymdastyrý barysynda qazaqstandyq mergenderdiń AQSh, Iordanııa, Belorýs, Reseıde ótken jarystardan alǵan tájirıbeleri esepke alyndy.