Qazaqstanda aldaǵy jylý berý maýsymyna qazandyqtardyń jartysy daıyndaldy
ASTANA. 16 shilde. QazAqparat - Jóndelýi tıis qazandyqtardyń jartysy aldaǵy jylý berý maýsymyna daıyndaldy.
Bul týraly búgin Úkimet otyrysynda QR Óńirlik damý vıtse-mınıstri Serikı Nokın málim etti.
Onyń aıtýynsha, elimiz boıynsha 100 Gkal/s-ǵa deıingi qýattaǵy jalpy 6 304 qazandyq bar. Ákimdikter bekitken josparda 3 234 qazandyqqa jóndeý jumystaryn júrgizý qarastyrylǵan eken. Negizinen aǵymdaǵy jóndeý jumystaryn jasaý josparlanǵan.
«15 shildedegi jaǵdaı boıynsha 1 650 qazandyq daıyndaldy»,-dep naqtylady S. Nokın.
Sonymen qatar ol bul baǵyttaǵy jumystardyń qarqyny ózge óńirlerge qaraǵanda ShQO (16 paıyz) men OQO-da (17 paıyz) baıaý júrip jatqandyǵyn atap ótti.
